కేటీఆర్‌ను కలిసిన దుద్యాల మండల టీఆర్ఎస్ యువజన విభాగ అధ్యక్షుడు లగచర్ల సురేష్

శ్రీ బల భీమ న్యూస్ / కొడంగల్ :

 వికారాబాద్ జిల్లా కొడంగల్ నియోజకవర్గం దుద్యాల మండల BRS పార్టీ యువజన విభాగ అధ్యక్షుడు లగచర్ల సురేష్ శుక్రవారం KTR ను మర్యాదపూర్వకంగా కలిశారు. ఈ సందర్భంగా కొడంగల్ నియోజకవర్గంలో నెలకొన్న రాజకీయ, ప్రజా సమస్యలపై కేటీఆర్ ఆరా తీసినట్లు సురేష్ తెలిపారు.

ప్రస్తుతం రాష్ట్రంలో BRS పార్టీ నాయకులు, యువకులు, కార్యకర్తలపై అక్రమ కేసులు నమోదు చేసి వేధింపులకు గురిచేస్తున్నారని లగచర్ల సురేష్ కేటీఆర్ దృష్టికి తీసుకెళ్లినట్లు పేర్కొన్నారు. దీనిపై స్పందించిన కేటీఆర్, పార్టీ శ్రేణులు ఎవరూ అధైర్యానికి గురికావద్దని, ప్రభుత్వానికి వ్యతిరేకంగా ప్రజాస్వామ్య పద్ధతుల్లో పోరాడి తమ హక్కులను సాధించుకోవాలని సూచించినట్లు తెలిపారు.

అక్రమ కేసుల విషయంలో అవసరమైతే హైకోర్టు నుంచి సుప్రీంకోర్టు వరకు న్యాయపోరాటం చేస్తామని, పార్టీ కార్యకర్తలకు అండగా నిలుస్తామని కేటీఆర్ భరోసా ఇచ్చినట్లు సురేష్ వెల్లడించారు.

అదేవిధంగా కొడంగల్ నియోజకవర్గంలోని వరి కొనుగోలు కేంద్రాల్లో జరుగుతున్న పరిస్థితులు, రైతులు ఎదుర్కొంటున్న ఇబ్బందులపై కూడా కేటీఆర్ వివరాలు అడిగి తెలుసుకున్నట్లు తెలిపారు. రైతులకు ఎటువంటి అన్యాయం జరగకుండా పార్టీ తరఫున పోరాటం కొనసాగిస్తామని ఈ సందర్భంగా హామీ ఇచ్చినట్లు సమాచారం.