పేద విద్యార్థుల విద్యాభివృద్ధికి రాష్ట్ర ప్రభుత్వం ప్రత్యేక కృషి

కట్టుకల్వ తండా సర్పంచ్ కిషన్ నాయక్

బొమ్మరస్‌పేట: పేద విద్యార్థుల విద్యాభివృద్ధికి రాష్ట్ర ప్రభుత్వం ప్రత్యేకంగా కృషి చేస్తోందని కట్టుకల్వ తండా సర్పంచ్ కిషన్ నాయక్ అన్నారు. బుధవారం కట్టుకల్వ తండాలోని ప్రాథమిక పాఠశాలలో ప్రభుత్వం ప్రవేశపెట్టిన తెలంగాణ రైజింగ్ స్కూల్స్ కార్యక్రమంలో భాగంగా విద్యార్థులకు యూనిఫామ్ కిట్లను పంపిణీ చేశారు.

ఈ సందర్భంగా విద్యార్థులకు యూనిఫామ్ దుస్తులు, బూట్లు తదితర వస్తువులతో కూడిన కిట్లను అందజేశారు. అనంతరం సర్పంచ్ కిషన్ నాయక్ మాట్లాడుతూ.. ప్రభుత్వం విద్యార్థులకు కల్పిస్తున్న విద్యా అవకాశాలను సద్వినియోగం చేసుకుని ఉన్నత లక్ష్యాలను సాధించాలని సూచించారు. పేద విద్యార్థులకు మెరుగైన విద్య అందించేందుకు ప్రభుత్వం చేపడుతున్న కార్యక్రమాలు ఎంతో ఉపయోగకరంగా ఉన్నాయని తెలిపారు.

కార్యక్రమంలో పాఠశాల చైర్మన్, మహిళా సంఘాల ప్రతినిధులు, ప్రధానోపాధ్యాయులు, వార్డు సభ్యులు, పార్టీ నాయకులు, ఉపాధ్యాయులు, విద్యార్థులు తదితరులు పాల్గొన్నారు.