మృతుని కుటుంబానికి సర్పంచ్ ఆర్థిక సాయం

శ్రీ బల భీమ న్యూస్ /కొడంగల్, జూన్ 28:

మృతుడి కుటుంబానికి అండగా నిలిచిన సర్పంచ్ మూడవత్ సునీత రాజు

కుటుంబ కలహాల నేపథ్యంలో యువకుడు మృతి చెందిన విషయం తెలుసుకున్న పోచమ్మ తండా గ్రామపంచాయతీ సర్పంచ్ మూడవత్ సునీత రాజు మానవత్వాన్ని చాటుకున్నారు. మృతుడి కుటుంబాన్ని పరామర్శించిన ఆమె, తమ వంతు సహాయంగా రూ.5,500 ఆర్థిక సాయం అందజేశారు. క్లిష్ట పరిస్థితుల్లో ఉన్న కుటుంబానికి అండగా నిలవడం ద్వారా ఆమె సేవాభావాన్ని చాటుకున్నారని తాండావాసులు ప్రశంసించారు.

సర్పంచ్‌గా ఎన్నికైన నాటి నుంచి మూడవత్ సునీత రాజు తాండా అభివృద్ధికి కృషి చేయడమే కాకుండా, గ్రామంలో ఎవరైనా కష్టాల్లో ఉన్నప్పుడు ముందుండి సహాయం చేస్తూ ప్రజల మనసులు గెలుచుకుంటున్నారని స్థానికులు పేర్కొన్నారు. ముఖ్యంగా జననాలు, మరణాలు, అనారోగ్య సమస్యలు వంటి సందర్భాల్లో బాధిత కుటుంబాలకు అండగా నిలుస్తూ సామాజిక బాధ్యతను నిర్వర్తిస్తున్నారని వారు అభినందించారు.

మైసమ్మ తండాలో చోటుచేసుకున్న ఈ విషాద ఘటన కుటుంబ కలహాలు ఎంతటి అనర్థాలకు దారితీస్తాయో మరోసారి గుర్తు చేసింది. కుటుంబ సభ్యులు పరస్పరం అర్థం చేసుకుని, మానసిక ఒత్తిడిలో ఉన్నవారికి మద్దతుగా నిలవాలని గ్రామ పెద్దలు, స్థానికులు సూచించారు.