కొడంగల్‌లో ఘనంగా గంధోత్సవ పోస్టర్ విడుదల

వికారాబాద్ జిల్లా కొడంగల్ పట్టణ కేంద్రంలోని మక్కా మజీద్‌లో షేక్ హసన్ బిన్ మసూద్ గాజీ అన్సరి ఖాద్రీ గంధోత్సవ పోస్టర్‌ను గురువారం ఘనంగా విడుదల చేశారు. ఈ కార్యక్రమాన్ని షేక్ షఫీ అహ్మద్ బిన్ జాబేర్ గాజీ అన్సారీ ఖాద్రి, ఎస్.ఏం. గౌసన్ చేతుల మీదుగా ఆవిష్కరించారు.

ఈ సందర్భంగా నిర్వాహకులు మాట్లాడుతూ మే 24న గంధోత్సవం, మే 25న చీరాగా, మే 26న జారత్ కార్యక్రమాలు నిర్వహించనున్నట్లు తెలిపారు. స్థానిక మక్కా మజీద్ నుండి పట్టణ శివారులోని షేక్ సాహెబ్ పహడి దర్గాకు గంధోత్సవాన్ని ఊరేగింపుగా తీసుకెళ్లనున్నట్లు పేర్కొన్నారు.

అనంతరం దర్గాలో ముస్లిం సోదరులు, మైనార్టీ నాయకులు ప్రత్యేక ప్రార్థనలు నిర్వహించడంతో పాటు అన్నదాన కార్యక్రమం చేపట్టనున్నట్లు తెలిపారు.

ఈ కార్యక్రమంలో హాఫీజ్ కరీం అష్రఫీ, హాఫిజ్ అదిల్, సయ్యద్ ఇసాక్ పాషా, అబ్దుల్ ఖాదర్, గులాం మోహివుద్దీన్, షాకీర్ ఖాద్రి, షేక్ రోమన్, అబ్దుల్ రహీం, ఖదీర్, సిరాజ్, ఖాళ్లు, హబీబ్ తదితరులు పాల్గొన్నారు.