ఉపాధి హామీ కూలీలకు అల్పాహారం అందించిన బీజేపీ నాయకులు

శ్రీ బల భీమ న్యూస్ / యాలాల్

యలాల మండల పరిధిలోని తిమ్మాయిపల్లి గ్రామపంచాయతీ పరిధిలో పనిచేస్తున్న ఉపాధి హామీ కూలీలకు గురువారం బీజేపీ మండల ఉపాధ్యక్షులు కురువ ప్రవీణ్ కుమార్ ఆధ్వర్యంలో అల్పాహారం పంపిణీ చేశారు. ఈ కార్యక్రమంలో మండల నాయకులు, గ్రామ నాయకులు పాల్గొన్నారు.

ఈ సందర్భంగా కురువ ప్రవీణ్ కుమార్ మాట్లాడుతూ ఉపాధి హామీ కూలీలు ఉదయం 6 గంటల నుంచే పనులకు హాజరవుతుండటంతో మధ్యాహ్నానికి ముందే ఆకలితో ఇబ్బందులు పడుతున్నారని తెలిపారు. దీనిని గమనించి వారికి అల్పాహారంతో పాటు తాగునీటి సౌకర్యం కూడా కల్పించినట్లు చెప్పారు.

కష్టపడి పనిచేస్తున్న ఉపాధి కూలీలకు కేంద్ర ప్రభుత్వం సమయానుకూలంగా వేతనాలు చెల్లిస్తోందని పేర్కొన్నారు. అలాగే రాష్ట్ర ప్రభుత్వం కూడా సహకరించి ఉపాధి కూలీలకు పనిచేసే ప్రదేశాల్లో తాగునీరు, నీడ వంటి మౌలిక వసతులు కల్పించాలని ఆయన కోరారు.