శ్రీ బల భీమ న్యూస్ / కొడంగల్ :
పర్సాపూర్ గ్రామంలో రైతులకు మద్దతుగా మరో కీలక కార్యక్రమం ప్రారంభమైంది. గ్రామ సర్పంచ్ రాధ శ్రీనివాస్ రెడ్డి ఆధ్వర్యంలో ప్రాథమిక వ్యవసాయ సహకార సంఘం (PACS) సమక్షంలో వరి కొనుగోలు కేంద్రాన్ని ఘనంగా ప్రారంభించారు. ఈ కార్యక్రమానికి కొడంగల్ మున్సిపల్ చైర్మన్ నందారం ప్రశాంత్ ముఖ్య అతిథిగా హాజరై కేంద్రాన్ని ప్రారంభించారు.
ఈ సందర్భంగా వారు మాట్లాడుతూ రైతులకు ప్రభుత్వం అందిస్తున్న మద్దతు ధర (MSP)ని సద్వినియోగం చేసుకోవాలని సూచించారు. రైతులు ఎటువంటి ఇబ్బందులు లేకుండా తమ పంటను నేరుగా కొనుగోలు కేంద్రాలకు తీసుకువచ్చి విక్రయించవచ్చని తెలిపారు. మధ్యవర్తుల అవసరం లేకుండా రైతులకు నేరుగా లాభం చేకూరే విధంగా ప్రభుత్వం చర్యలు తీసుకుంటోందని ఆయన పేర్కొన్నారు.
గ్రామ సర్పంచ్ రాధ శ్రీనివాస్ రెడ్డి మాట్లాడుతూ, గ్రామంలోని రైతులకు ఇది ఎంతో ఉపయోగకరమైన కేంద్రమని చెప్పారు. రైతులు తమ పంటను సరైన ధరకు అమ్ముకునేలా అన్ని సదుపాయాలు కల్పిస్తున్నామని తెలిపారు. తేమ ప్రమాణాలు, బరువు కొలతలు వంటి అంశాల్లో పారదర్శకత ఉండేలా చర్యలు తీసుకుంటామని హామీ ఇచ్చారు.
ఈ కార్యక్రమంలో PASC మాజీ కటకం చైర్మన్ శివకుమార్ గుప్త, మార్కెట్ కమిటీ చైర్మన్ అంబయ్య గౌడ్, కొడంగల్ MRO, మండల కాంగ్రెస్ పార్టీ వర్కింగ్ ప్రెసిడెంట్ ఆనంద్ రెడ్డి లతో పాటు గ్రామ ఉప సర్పంచ్ బెస్త శివమ్మ, వార్డు సభ్యులు, ఇందిరమ్మ కమిటీ సభ్యులు, మాజీ ఎంపీటీసీ సభ్యులు, ఫీల్డ్ అసిస్టెంట్ శ్రీశైలం , గ్రామ పంచాయతీ సెక్రటరీ కల్పన, వ్యవసాయ విభాగ అధికారి (AEO) అశ్విని, రైతులు మరియు గ్రామ పెద్దలు పెద్ద ఎత్తున హాజరయ్యారు.
కార్యక్రమం సందర్భంగా రైతులతో అధికారులు సమావేశమై కొనుగోలు విధానం, తేమ ప్రమాణాలు, చెల్లింపుల విధానం వంటి అంశాలపై అవగాహన కల్పించారు. రైతులు తమ సమస్యలను నేరుగా అధికారులకు తెలియజేసే అవకాశం కల్పించడంతో, అధికారులు వాటిని త్వరితగతిన పరిష్కరించేందుకు హామీ ఇచ్చారు.
పర్సాపూర్ గ్రామంలో ప్రారంభమైన ఈ వరి కొనుగోలు కేంద్రం ద్వారా స్థానిక రైతులకు భారీగా ప్రయోజనం కలగనుందని గ్రామస్థులు ఆశాభావం వ్యక్తం చేస్తున్నారు. రైతులకు మద్దతుగా ప్రభుత్వం తీసుకుంటున్న ఈ చర్యలు వ్యవసాయ రంగానికి మరింత బలాన్నిస్తాయని పలువురు అభిప్రాయపడ్డారు.
తెలంగాణ మరియు ఆంధ్రప్రదేశ్ రెండు తెలుగు రాష్ట్రాలలో ఎప్పటికప్పుడు తాజా వార్తలు అందిస్తున్న మీ శ్రీ బలబీమ న్యూస్ ఛానల్ ను Like చేయండి అదేవిధంగా ప్రతి ఒక్కరూ Subscribe చేయండి .
ఈ లింకును ఓపెన్ చేసి మా మీ ఛానల్ ను Subscribe చేయండి ధన్యవాదాలు.
www.youtube.com/@sribalabheema7188
ప్రియమైన మిత్రులారా…
మన శ్రీ బల భీమ యూట్యూబ్ ఛానల్ మీ కోసం నిత్యం తాజా వార్తలు, విశేషాలు అందిస్తోంది 
ఇంకా సబ్స్క్రైబ్ చేయలేదా? ఇప్పుడే చేయండి!
బెల్ ఐకాన్పై క్లిక్ చేసి ప్రతి అప్డేట్ను వెంటనే తెలుసుకోండి
మీ ఒక సబ్స్క్రిప్షన్…
మన ఛానల్ ఎదుగుదలకు పెద్ద బలం 
మీ మద్దతు – మన విజయానికి పునాది
ఇప్పుడే సబ్స్క్రైబ్ చేయండి… ఇతరులతో కూడా షేర్ చేయండి!
కలిసి ఎదుగుదాం… శ్రీ బల భీమ న్యూస్ ను మరింత ముందుకు తీసుకెళ్లుదాం
www.youtube.com/@sribalabheema7188
