మొత్తం ఆరుగురు ఐపీఎస్ అధికారులకు పదోన్నతులు
శ్రీ బల భీమ న్యూస్ / హైదరాబాద్
హైదరాబాద్: తెలంగాణ ప్రభుత్వం కీలక నిర్ణయం తీసుకుంటూ రాష్ట్రంలోని ఆరుగురు సీనియర్ ఐపీఎస్ అధికారులకు డైరెక్టర్ జనరల్ (డీజీ) హోదా కల్పించింది. ప్రస్తుతం అదనపు డీజీలుగా పనిచేస్తున్న అధికారులను డీజీలుగా పదోన్నతి ఇస్తూ ప్రభుత్వం అధికారిక ఉత్తర్వులు జారీ చేసింది.
పదోన్నతి పొందిన వారిలో హైదరాబాద్ పోలీస్ కమిషనర్ వీసీ సజ్జనార్, మహేష్ భగవత్, స్వాతి లక్రా, వీవీ శ్రీనివాసరావు, చారు సిన్హా, అనిల్ కుమార్ ఉన్నారు. వీరంతా తమ తమ విభాగాల్లో కీలక బాధ్యతలు నిర్వహిస్తున్న అనుభవజ్ఞులైన అధికారులు.
ప్రస్తుతం మహేష్ భగవత్ రాష్ట్రంలో లా అండ్ ఆర్డర్ అదనపు డీజీగా కొనసాగుతుండగా, స్వాతి లక్రా స్పెషల్ ప్రొటెక్షన్ ఫోర్స్ డీజీగా సేవలందిస్తున్నారు. వీవీ శ్రీనివాసరావు తెలంగాణ పోలీసు నియామక మండలి చైర్మన్గా బాధ్యతలు నిర్వర్తిస్తున్నారు. చారు సిన్హా మహిళా భద్రతా విభాగం, సీఐడీ, ఏసీబీ ఏడీజీగా పనిచేస్తుండగా, అనిల్ కుమార్ గ్రేహౌండ్స్ ఏడీజీగా విధులు నిర్వహిస్తున్నారు. ఇక వీసీ సజ్జనార్ హైదరాబాద్ పోలీస్ కమిషనర్గా కొనసాగుతున్నారు.
అయితే ఈ ఆరుగురు ఐపీఎస్ అధికారులకు డీజీ హోదా కల్పించినప్పటికీ, ప్రస్తుతం వారు ఉన్న పోస్టుల్లోనే కొనసాగనున్నారు. తదుపరి ఉత్తర్వులు వెలువడే వరకు వారి బాధ్యతల్లో ఎలాంటి మార్పులు ఉండవని ప్రభుత్వం స్పష్టం చేసింది.
రాష్ట్రంలో భద్రతా వ్యవస్థను మరింత బలోపేతం చేయడంలో భాగంగా ఈ ప్రమోషన్లు కీలకంగా భావిస్తున్నారు. అనుభవజ్ఞులైన అధికారులకు ఉన్నత హోదాలు ఇవ్వడం ద్వారా పోలీసు శాఖ పనితీరు మరింత సమర్థవంతంగా మారుతుందని ప్రభుత్వ వర్గాలు భావిస్తున్నాయి.
తెలంగాణ మరియు ఆంధ్రప్రదేశ్ రెండు తెలుగు రాష్ట్రాలలో ఎప్పటికప్పుడు తాజా వార్తలు అందిస్తున్న మీ శ్రీ బలబీమ న్యూస్ ఛానల్ ను Like చేయండి అదేవిధంగా ప్రతి ఒక్కరూ Subscribe చేయండి .
ఈ లింకును ఓపెన్ చేసి మా మీ ఛానల్ ను Subscribe చేయండి ధన్యవాదాలు.
www.youtube.com/@sribalabheema7188
ప్రియమైన మిత్రులారా…
మన శ్రీ బల భీమ యూట్యూబ్ ఛానల్ మీ కోసం నిత్యం తాజా వార్తలు, విశేషాలు అందిస్తోంది 
ఇంకా సబ్స్క్రైబ్ చేయలేదా? ఇప్పుడే చేయండి!
బెల్ ఐకాన్పై క్లిక్ చేసి ప్రతి అప్డేట్ను వెంటనే తెలుసుకోండి
మీ ఒక సబ్స్క్రిప్షన్…
మన ఛానల్ ఎదుగుదలకు పెద్ద బలం 
మీ మద్దతు – మన విజయానికి పునాది
ఇప్పుడే సబ్స్క్రైబ్ చేయండి… ఇతరులతో కూడా షేర్ చేయండి!
కలిసి ఎదుగుదాం… శ్రీ బల భీమ న్యూస్ ను మరింత ముందుకు తీసుకెళ్లుదాం
www.youtube.com/@sribalabheema7188
