హైకోర్టు ఆదేశాలు బేఖాతరు: దౌల్తాబాద్ తహసీల్దార్ తీరుపై న్యాయవాదుల ధ్వజం

శ్రీ బల భీమ న్యూస్/కొడంగల్ : “పైకం లేనిదే ఫైలు కదలదు.. కాసులు ముడితే చాలు ఎలాంటి చట్ట విరుద్ధ పనైనా జరిగిపోతుంది” అనే రీతిలో వికారాబాద్ జిల్లా దౌల్తాబాద్ మండల తహసీల్దార్ కార్యాలయం తీరు మారిందని బాధితులు, న్యాయవాదులు తీవ్ర ఆరోపణలు గుప్పించారు. ఏకంగా అత్యున్నత ధర్మాసనం అయిన హైకోర్టు ఆదేశాలనే బేఖాతరు చేస్తూ, అధికార యంత్రాంగం నిరంకుశంగా వ్యవహరిస్తోందని మంగళవారం కొడంగల్ బార్ అసోసియేషన్ సీనియర్ న్యాయవాదులు విలేకరుల సమావేశంలో మండిపడ్డారు.

దౌల్తాబాద్ మండలం మొగలమాలిక గ్రామానికి చెందిన నరసమ్మ (48) అనే మహిళా రైతుకు సంబంధించి సర్వే నంబర్ 74/1 లో సుమారు 20 ఎకరాల వ్యవసాయ భూమి ఉంది. ఈ భూమికి సంబంధించి గత పదేళ్లుగా న్యాయపోరాటం నడుస్తోంది.

• హైకోర్టు తీర్పు: తెలంగాణ హైకోర్టులో దాఖలైన WP No: 26990/2014 కేసులో భాగంగా, గౌరవ న్యాయస్థానం జనవరి 8, 2025న స్పష్టమైన తీర్పునిచ్చింది. పూర్వపు ఆర్డర్లను రద్దు చేస్తూ, అసలైన పట్టాదారు వారసుల పేర్లను చేర్చాలని, నిబంధనల ప్రకారం మళ్లీ విచారణ జరిపి రైతుకు న్యాయం చేయాలని తహసీల్దార్‌ను ఆదేశించింది.

• నిబంధనల ఉల్లంఘన: కోర్టు ఆదేశాల మేరకు 2025లో విచారణ ప్రక్రియ జరిగి, అఫిడవిట్లు, కౌంటర్లు దాఖలయ్యాయి. కేసు తుది ఉత్తర్వుల (Final Order) కోసం వేచి ఉన్న తరుణంలో, స్థానిక తహసీల్దార్ ఉద్దేశపూర్వకంగా కాలయాపన చేస్తూ, కేసును తప్పుదోవ పట్టించేలా వ్యవహరిస్తున్నారని న్యాయవాది కరుణాకర్ రెడ్డి ఆరోపించారు.

అర్ధరాత్రి వాట్సాప్ నోటీసులు.. చట్టంపై చుట్టంలా వ్యవహారం!

రెవెన్యూ మెన్యువల్ మరియు కోర్టు చట్టాల ప్రకారం విచారణ జరగాల్సి ఉండగా, తహసీల్దార్ కార్యాలయం అవేవీ పట్టించుకోవడం లేదని న్యాయవాదులు పేర్కొన్నారు.

• అసంబద్ధ విధానాలు: విచారణ పూర్తయి తీర్పు వెలువరించాల్సిన సమయంలో, అభ్యంతరాలు వ్యక్తం చేస్తూ అర్ధరాత్రి వేళల్లో వాట్సాప్‌ల ద్వారా నోటీసులు పంపడం ఏ రకమైన న్యాయమని వారు ప్రశ్నించారు.

• అక్రమ సంబంధాలు: ఈ కేసులో ఎదుటి పక్షమైన ఎర్రల్లో సాయమ్మతో తహసీల్దార్ కుమ్మక్కై, భారీగా ముడుపులు అందినట్లు అనుమానాలు వ్యక్తమవుతున్నాయి. కాసులకు కక్కుర్తి పడి చట్టాన్ని తన గుప్పిట్లోకి తీసుకోవడమే కాకుండా, హైకోర్టు ఆదేశాలనే లెక్కచేయకపోవడం అధికారుల బరితెగింపునకు నిదర్శనమని ధ్వజమెత్తారు.

కేసు బదిలీకి డిమాండ్

ప్రస్తుత తహసీల్దార్ ఆధ్వర్యంలో రైతు నరసమ్మకు న్యాయం జరిగే అవకాశం లేదని న్యాయవాదులు స్పష్టం చేశారు. సిపిసి (CPC) సెక్షన్ 24 మరియు సెక్షన్ 151 ప్రకారం.. పక్షపాతంగా వ్యవహరిస్తున్న ఈ అధికారి నుండి కేసును తొలగించి, తటస్థంగా ఉండే మరొక మండల తహసీల్దార్‌కు బదిలీ చేయాలని వారు డిమాండ్ చేశారు. తహసీల్దార్ వ్యవహారశైలి వల్ల రైతులు ఆర్థికంగా, మానసిక శ్రమకు గురవుతున్నారని ఆవేదన వ్యక్తం చేశారు.

కొడంగల్ కార్యాలయంలోనూ అదే తీరు!

కేవలం దౌల్తాబాద్ మాత్రమే కాకుండా, కొడంగల్ తహసీల్దార్ కార్యాలయంలోనూ అవినీతి రాజ్యమేలుతోందని వారు ఆరోపించారు.

• పాత పహానీలు, ROR (Record of Rights) నకలు జారీ చేసేందుకు సిబ్బంది ఇష్టానుసారంగా వసూళ్లకు పాల్పడుతున్నారని పేర్కొన్నారు.

• సామాన్య రైతులు కార్యాలయాల చుట్టూ తిరుగుతున్నా పట్టించుకునే నాథుడే కరువయ్యారని ఆరోపించారు.

కలెక్టర్ గారు స్పందించాలి!

ఉన్నత స్థాయి అధికారులు కార్యాలయాల్లో జరుగుతున్న అక్రమాలపై ఎందుకు మౌనం వహిస్తున్నారని న్యాయవాదులు ప్రశ్నించారు.

“జిల్లా కలెక్టర్ వెంటనే స్పందించి, కోర్టు ఆదేశాలను ధిక్కరిస్తూ, అవినీతికి పాల్పడుతున్న దౌల్తాబాద్ తహసీల్దార్‌పై కఠిన చట్టరీత్యా చర్యలు తీసుకోవాలి. రెవెన్యూ కోర్టుల పట్ల రైతులకు నమ్మకం కలిగేలా పారదర్శకమైన విచారణ జరిపించి రైతు నరసమ్మకు న్యాయం చేయాలి.”

ఈ సమావేశంలో సీనియర్ న్యాయవాదులు కరుణాకర్ రెడ్డి, భాను ప్రకాష్, మోహిత్ మరియు ఇతర న్యాయవాద మిత్రులు పాల్గొన్నారు.

తెలంగాణ మరియు ఆంధ్రప్రదేశ్ రెండు తెలుగు రాష్ట్రాలలో ఎప్పటికప్పుడు తాజా వార్తలు అందిస్తున్న మీ శ్రీ బలబీమ న్యూస్ ఛానల్ ను Like చేయండి అదేవిధంగా ప్రతి ఒక్కరూ Subscribe చేయండి .

ఈ లింకును ఓపెన్ చేసి మా మీ ఛానల్ ను  Subscribe చేయండి ధన్యవాదాలు.

www.youtube.com/@sribalabheema7188

 ప్రియమైన మిత్రులారా… 

మన శ్రీ బల భీమ యూట్యూబ్ ఛానల్ మీ కోసం నిత్యం తాజా వార్తలు, విశేషాలు అందిస్తోంది 

 ఇంకా సబ్‌స్క్రైబ్ చేయలేదా? ఇప్పుడే చేయండి!
 బెల్ ఐకాన్‌పై క్లిక్ చేసి ప్రతి అప్డేట్‌ను వెంటనే తెలుసుకోండి

మీ ఒక సబ్‌స్క్రిప్షన్…
మన ఛానల్ ఎదుగుదలకు పెద్ద బలం 

 మీ మద్దతు – మన విజయానికి పునాది
 ఇప్పుడే సబ్‌స్క్రైబ్ చేయండి… ఇతరులతో కూడా షేర్ చేయండి!

 కలిసి ఎదుగుదాం… శ్రీ బల భీమ న్యూస్ ను మరింత ముందుకు తీసుకెళ్లుదాం 

www.youtube.com/@sribalabheema7188